Չեմպիոնների լիգայի եզրափակիչը Ստամբուլից պաշտոնապես տեղափոխվեց Պորտո

ՈւԵՖԱ-ի Չեմպիոնների լիգայի եզրափակիչ խաղը անգլիական «Մանչեսթեր Սիթի» և «Չելսի» ակումբների միջև կանցկացվի Պորտոյում: Այս մասին հայտնում է Եվրոպական ֆուտբոլային ասոցիացիաների միության (ՈՒԵՖԱ) մամուլի ծառայությունը:

Սկզբնապես հանդիպումը պետք է կայանար Ստամբուլի Աթաթուրքի անվան Օլիմպիական մարզադաշտում:

Հանդիպումը տեղի կունենա մայիսի 29-ին՝ 6000 երկրպագուների ներկայությամբ:

«Չեմպիոնների լիգայի եզրափակիչին հասնելը ամենաբարձր նվաճումն է ֆուտբոլային ակումբների համար։ Երկրպագուները 12 ամիս հնարավորություն չունեին տեսնել իրենց թիմերի կենդանի խաղը, ուստի մենք կրկին օգնություն խնդրեցինք Պորտուգալիայի մեր ընկերներից: Շնորհակալ եմ, որ Պորտուգալիան համաձայնեց ընդունել եզրափակիչ հանդիպումը»,- ասել է ՈՒԵՖԱ-ի նախագահ Ալեքսանդր Չեֆերինը։

Նշենք, որ Թուրքիայում համաճարակային ծանր վիճակը է։ Երեկ էլ հայտնի էր դարձել, որ «Ֆորմուլա 1»-ի Ստամբուլի Գրան պրին է չեղարկվել։