Իսրայելում հաղթահարել են կորոնավիրուսը. covid բաժանմունքները փակվում են

Կորոնավիրուսի նոր դեպքերի նվազման պատճառով իսրայելական հիվանդանոցները սկսում են փակել COVID բաժանմունքները․ հաղորդում է Ynet-ը:

«Վարակման մակարդակը միանիշ թվի է իջել, որոշ բժշկական կենտրոններ հայտնում են, որ վերջին օրերին կորոնավիրուսով նոր հիվանդներ չեն գրանցվել»,- հայտնում է լրատվամիջոցը:

Երուսաղեմի «Հադասա» բժշկական կենտրոնը, որն Իսրայելում կորոնավիրուսով վարակված ամենաշատ հիվանդներն ուներ, երկուշաբթի տեղեկացրել է, որ այդ օրը միայն երեք նոր հիվանդ ունի:

Իսրայելն ակտիվ պատվաստումների արշավ էր սկսել դեկտեմբերից, և այժմ պատվաստվել է բնակչության կեսից ավելին: Դա հանգեցրել է կորոնավիրուսային վարակի դեպքերի նվազման: