Բայրամովը և Չավուշօղլուն հանդիպել են և քննարկել տարածաշրջանում առկա իրավիճակը

Ադրբեջանի արտգործնախարար Ջեյհուն Բայրամովը Տաջիկստանում հանդիպել է իր թուրք գործընկեր Մևլութ Չավուշօղլուի հետ: Երկու նախարարները մտքեր են փոխանակել տարածաշրջանում առկա իրավիճակի, ինչպես նաև «հետկոնֆլիկտային վերականգնման և վերակառուցման շրջանակներում ադրբեջանական կողմի կատարած աշխատանքների վերաբերյալ»:

Կողմերը քննարկել են նաև երկկողմ համագործակցության օրակարգի հարցերը և գոհունակությամբ նշել, որ ապրիլի 1-ին ուժի մեջ է մտել «Ադրբեջանի և Թուրքիայի միջև վիզայից փոխադարձ ազատման մասին Բաքվում կնքված համաձայնագիրը փոփոխելու մասին» թիվ 1 արձանագրությունը, ըստ որի՝ երկու երկրների քաղաքացիները կարող են փոխադարձ այցեր կատարել նույնականացման քարտով: