Երկրագնդի միայն յուրաքանչյուր տասներորդ բնակիչն ունի COVID–ի հակամարմիններ. ԱՀԿ

Երկրագնդի բնակչության 10%-ը միայն ունի կորոնավիրուսի հակամարմիններ. ասել է ԱՀԿ գլխավոր հետազոտող Սումիա Սվամինաթանը՝ վկայակոչելով աշխարհի որոշ քաղաքներում վարակի օջախների շուրջ 500 ուսումնասիրություն:

«Իհարկե, որոշ տեղերում, օրինակ՝ խիտ բնակեցված քաղաքային տարածքներում, կան օջախներ, որոնցում բնակչության 50-60% -ը ենթարկվել է վիրուսի ազդեցությանը և ունի հակամարմիններ: Սակայն դա չի նշանակում, որ ամբողջ քաղաքը, նահանգը կամ երկիրը հասել են կոլեկտիվ իմունիտետի»,- Սվամինաթանին մեջբերում է «Կոմերսանտը»:

Նա փաստել է, որ համաշխարհային մասշտաբով կոլեկտիվ իմունիտետի հասնելու միակ միջոցը պատվաստումն է:

Փետրվարի սկզբին ԱՀԿ-ն հաղորդել էր, որ աշխարհում կորոնավիրուսի դեմ պատվաստված մարդկանց թիվը գերազանցում է վարակվածների թիվը։