ՏԵՍԱՆՅՈՒԹ․ Ժամը 13:00-ին՝ հանրահավաք, ապա երթ․ Վազգեն Մանուկյանը ներկայացրեց օրակարգը

Գիշերը ոչ մի սադրանք տեղի չի ունեցել՝ ըստ Yerkir.am-ի ասաց Հայրենիքի փրկության շարժման վարչապետի թեկնածու Վազգեն Մանուկյանը Բաղրամյան պողոտայում, որտեղ վրաններում գիշերել են Հայրենիքի փրկության շարժման ցուցարարներ։ Նրանք պահանջում են, որ ԱԺ-ն նիստ գումարի ու դադարեցնի Նիկոլ Փաշինյանի լիազորությունները իբրև վարչապետ։  

«Ամեն ինչը նորմալ է: ԱԺ-ում ժամը 11:00-ին խորհրդի նիստ է, պետք է քննարկնի նաև արտահերթ նիստի հետ կապված հարց:  Ժամը 13:00-ին հանրահավաքի կհավաքվենք, ժողովրդի հետ կխոսենք, ամենայն հավանականությամբ՝  երթ կկազմակերպենք, որից հետո կվերադառնանք այստեղ։ Ժամը 16:00-ին կամ 18:00-ին, հնարավոր է, տեղի ունենա ԱԺ նիստ: Հիմնական հարցը լինելու է ռազմական դրությունը հանելը: Այդ պահանջով են պատգամավորները դիմել ԱԺ՝ արտահերթ նիստ հրավիրելու համար»,- աաց Վազգեն Մանուկյանը:

Նշենք, որ Հայրենիքի փրկության շարժման երեկվա հանահավաքից հետո որոշում ընդունվեց վրաններ տեղադրել ու մնալ Ազգային ժողովի դիմաց՝ Բաղրամյան պողոտայում, մինչև հասնեն իրենց հիմնական նպատակին՝ Նիկոլ Փաշինյանի հրաժարականին: Վրաններում գիշերած քաղաքացիներն օրս սկսում են սուրճ խմելով ու տարածքը մաքրելով:

Մանրամասն՝ տեսանյութում․