Գուրգեն Ներսիսյանն ընտրվել է ԱՀ գլխավոր դատախազ

Արցախի Հանրապետության Ազգային Ժողովի փետրվարի 11-ի նիստում Գուրգեն Ներսիսյանն ընտրվել է ԱՀ գլխավոր դատախազ:

Գուրգեն Ներսիսյանը իր ելույթում խոսել է դատախազության համակարգի գործունեության հետ կապված մտահոգությունների և ընտրվելու դեպքում իր անելիքների ուրվագծերի ու ուղղությունների մասին:

«Գիտակցում եմ, որ պաշտոնը կարող եմ ստանձնել պատասխանատվության աննախադեպ չափի և ծավալի աշխատանքի, ուղղակի սահմաններ չենթադրող ծանրաբեռնվածության պայմաններում և որոշումս ընդունել եմ արցախյան կյանքի այս բարդ շրջանում իմ մասնակցության ու դերակատարության նշանակության բարձր գիտակցումով»,- ասել է նա:

Այնուհետև Գուրգեն Ներսիսյանը պատասխանել է պատագմավորների հարցերին:

Փակ քվերակությամբ Գուրգեն Ներսիսյանի թեկնածությանը կողմ է արտահայտվել 30, դեմ՝ 3 պատգամավոր: