Ով է Արցախի ապագա գլխավոր դատախազը. Ռուբեն Մելիքյանը՝ նրա մասին

Արցախի Հանրապետության գլխավոր դատախազի պաշտոնում ներկայացվել է Գուրգեն Ներսիսյանի թեկնածությունը, եւ վաղն Ազգային ժողովը կքննարկի եւ որոշում կկայացնի նրա թեկնածության կապակցությամբ։ Այս մասին Facebook-ի իր էջում գրել է «Իրավական ուղի» ՀԿ համահիմնադիր Ռուբեն Մելիքյանը:

Նա, մասնավորապես, նշել է. «Այս հանգամանքը բնականորեն տեղեկատվական առիթ է դարձել Երեւանյան լրատվականներին՝ Գուրգեն Ներսիսյանին սրա-նրա «մարդը» հայտարարելու համար։ Աչքովս ընկավ մի հրապարակում, որում Գուրգենին նույնիսկ հայտարարում էին մի Երեւանյան «բարեւազուրկ» սոռոսականի հովանավորյալը։

Գուրգենը նաեւ բարձր որակավորում ունեցող իրավաբան է եւ շատ պարկեշտ մարդ։

Ուստի լրատվամիջոցներին խնդրում եմ Գուրգենին չկապել նզովյալ մարդկանց շրջանակների հետ։ Գուրգենին էլ մաղթում եմ ամուր նյարդեր»։