Արսեն Հարությունյանը նվաճեց աշխարհի գավաթի խաղարկության արծաթե մեդալը

Բելգրադում ընթացող ըմբշամարտի աշխարհի գավաթի անհատական խաղարկությունում Եվրոպայի չեմպիոն Արսեն Հարությունյանը նվաճեց արծաթե մեդալ: 57 կգ քաշային կարգում Հայաստանի ներկայացուցիչը եզրափակչում  0:10 հաշվով պարտվեց Ռուսաստանի ներկայացուցիչ Զավուր Ուգուևին:

2019-ի Եվրոպայի չեմպիոնը   պայքարը սկսել էր 1/8 եզրափակչից, վստահ հաղթանակ տանելով Ռումինիայի ներկայացուցիչ Ռազվան Կովաչի նկատմաբ էր: Քառորդ եզրափակչում մեր մարզիկն  գերլարված պայքարում 5-4 հաշվով առավելության էր հասել ուկրաինացի Անդրեյ Յաշչենկոյի նկատմամբ, իսկ կիսաեզրափակչում 7-4 հաշվով հաղթել էր սերբ Ստևան Անդրիա Միչիչին:

Այսօր Հայաստանի ներկայացուցիչներից մրցանակային տեղ է զբաղեցրել նաև Արման Անդրեասյանը (70 կգ)՝ դառնալով բրոնզե մեդալակիր։ Մեդալային գոտեմարտում նրա մրցակից Չերմեն Վալիևը (Ռուսաստան) վնասվածքի պատճառով հրաժարվել է պայքարից։

Վաղը Վազգեն Թևանյանը (65 կգ) պայքարելու է ոսկե մեդալի համար, իսկ Ռազմիկ Պապիկյանը (61 կգ)՝ բրոնզե (նա մասնակցելու է սփոփիչ գոտեմարտի)։