Թուրքիայի ԱԳՆ–ն հայտնել է Ռուսաստանի հետ հարաբերությունների դրական ընթացքի մասին

Թուրքիայի արտգործնախարար Մևլյութ Չավուշօղլուն հայտարարել է, որ Թուրքիայի և Ռուսաստանի հարաբերությունները հիմնված են ընդհանուր շահերի և փոխադարձ հարգանքի վրա, դրանց զարգացումը մնում է դրական:

«Ռուսաստանի հետ մեր հարաբերությունները մեր արտաքին քաղաքականության կարևորագույն կողմն են: Թուրքիայի և Ռուսաստանի միջև հարաբերությունները հիմնված են ընդհանուր շահերի և փոխադարձ հարգանքի վրա»,- Չավուշօղլուի խոսքերն է մեջբերում  ՏԱՍՍ-ը:

Նա նշել է, որ, չնայած հարցերի առկայությանը, որոնց շուրջ երկու երկրները չեն կարողանում համաձայնության գալ, նրանք ձգտում են «պահպանել աշխույժ երկխոսություն և գալ ընդհանուր հայտարարների»:

«Մեր երկխոսությունը շարունակում է շոշափելի արդյունքներ տալ, ինչպես դա եղավ Լեռնային Ղարաբաղում», - նշել է արտգործնախարարը: