|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Ռուսաստանի Դաշնության մարզերում կորոնավիրուսային համաճարակի դեմ պայքարը, ինչպես նաև Լեռնային Ղարաբաղի շուրջ ստեղծված իրավիճակը ՌԴ Նախագահ Վլադիմիր Պուտինը քննարկել է Ռուսաստանի Անվտանգության խորհրդի մշտական անդամների հետ: Հանդիպման մասին ուրբաթ օրը հայտարարել է պետության ղեկավարի մամուլի քարտուղար Դմիտրի Պեսկովը:
«Մտքերի փոխանակումը շարունակվել է Ղարաբաղի շուրջ ստեղծված իրավիճակի, ինչպես նաև դրա կարգավորման ջանքերի շուրջ», - ասել է նա:
Հանդիպմանը ներկա են եղել վարչապետ Միխայիլ Միշուստինը, խորհրդարանի երկու պալատների խոսնակներ՝ Վալենտինա Մատվիենկոն և Վյաչեսլավ Վոլոդինը, Անվտանգության խորհրդի նախագահի տեղակալ Դմիտրի Մեդվեդևը, Կրեմլի վարչակազմի ղեկավար Անտոն Վայնոն, Անվտանգության խորհրդի քարտուղար Նիկոլայ Պատրուշևը, արտաքին գործերի նախարար Սերգեյ Լավրովը և պաշտպանության նախարար Սերգեյ Շոյգուն, ԱԴԾ տնօրեն Ալեքսանդր Բորտնիկովը և ԱՀԾ տնօրեն Սերգեյ Նարիշկինը, ինչպես նաև շրջակա միջավայրի պահպանության, էկոլոգիայի և տրանսպորտի հարցերով նախագահի հատուկ ներկայացուցիչ Սերգեյ Իվանովը: