Սլովենիայի վարչապետը շնորհավորել է Թրամփին նախագահի պաշտոնում վերընտրվելու կապակցությամբ, թեև ընտրությունների արդյունքները դեռևս հստակ չեն

Սլովենիայի վարչապետ Յանեզ Յանշան շնորհավորել է ԱՄՆ նախագահ Դոնալդ Թրամփին պետության ղեկավարի պաշտոնում վերընտրվելու կապակցությամբ՝ չնայած հանգամանքին, որ ԱՄՆ ընտրությունների արդյունքը դեռ անհայտ է:

Fox-ի վերջին հաշվարկներով՝ 238 ընտրիչ ընտրել են դեմոկրատ Ջո Բայդենին, Թրամփին՝ 213 -ը (հաղթելու համար անհրաժեշտ է 270):

«Ակնհայտ է, որ ամերիկացի ժողովուրդը Դոնալդ Թրամփին և Մայք Փենսին ընտրել է ևս չորս տարի: Որքան շատ ձգձգումներ և հերքումներ լինեն հիմնական լրատվամիջոցների կողմից, այնքան մեծ կլինի ԱՄՆ նախագահի վերջնական հաղթանակը: Շնորհավորում եմ Հանրապետական կուսակցությանը ուժեղ արդյունքների համար ամբողջ ԱՄՆ-ում», - Twitter-ում գրել է Սլովենիայի վարչապետը:

Սլովենիան Թրամփի կնոջ՝ Մելանյա Թրամփի ծննդավայրն է, ինչի կապակցությամբ այս երկրում ԱՄՆ նախագահական զույգի նկատմամբ ուշադրությունը մեծացել է: