Էջմիածինը Հադրութին ամենագնաց է նվիրում․ Դիանա Գասպարյան

Էջմիածինը Հադրութին ամենագնաց է նվիրում։ Այդ մասին իր ֆեյսբուքյան էջում տեղեկացնում է Էջմիածնի քաղաքապետ Դիանա Գասպարյանը:

«Էջմիածնի փոխքաղաքապետ Արսեն Պետրոսյանը կամավորների ջոկատով մեկնեց առաջնագիծ: Էջմիածին համայնքի կողմից մեր քույր քաղաք Հադրութին նվիրաբերվում է 2012 թվականի արտադրության UAZ HUNTER ամենագնաց, որը ձեռք է բերվել էջմիածնեցի գործարար Մանվել Հովհաննիսյանի միջոցներով: Աստված ձեզ հետ, մեր քաջե՛ր:

Էջմիածնի կամավոր ջոկատի հավաքագրումը շարունակվում է: Եվս մեկ անգամ բոլորին կոչ եմ անում գալ համայնքապետարան և կամավորագրվել, մի քանի օր անցնել զինվորական պատրաստականության դասընթացներ և սպասել հետագա հրահանգներին»,- գրել է նա։