Փարիզի արվարձանում ուսուցչի գլխատումը Մակրոնն անվանել է իսլամիստների ահաբեկչական հարձակում

Ֆրանսիայի նախագահ Էմանուել Մակրոնը հաստատել է, որ հոկտեմբերի 16-ին Փարիզի արվարձանում գլխատված ուսուցիչը դարձել է ահաբեկչական ակտի զոհ: Տեղի ունեցածն «իսլամական ահաբեկչական հարձակում է եղել», հայտարարել է նախագահը: Ըստ նրա՝, ուսուցիչը սպանվել է, քանի որ «դասավանդում էր խոսքի ազատություն»:

Ավելի վաղ հայտնի է դարձել, որ Փարիզի մոտակայքում՝ Վալ դ’Ուազում, անհայտ անձը գլխատել է պատմական գիտությունների պրոֆեսոր Սեմյուել Պ-ին: Ոստիկանությունը սպանել է 18-ամյա ահաբեկչին, որը սպանության պահին գոռացել է՝ «Ալլահ աքբար»: Սպանության պատճառը եղել է այն, որ դասախոսը խոսքի ազատության թեման դասավանդելու ժամանակ ցուցադրել է Charlie Hebdo ամսագրում պատկերված՝ Մուհամեդ մարգարեի ծաղրանկարը:

Ըստ որոշ աղբյուրների՝ չարագործը ծնվել է Մոսկվայում, ազգությամբ չեչեն է:

Ֆրանսիայի ներքին գործերի նախարար Ժերար Դարմանին այս կապակցությամբ դադարեցրել է իր այցը Մարոկկո և վերադարձել հայրենիք: