Օբրայենը ԼՂ հարցի բանակցություններն ԱՄՆ-ի և Ռուսաստանի միջև համագործակցության օրինակ է համարում

ԱՄՆ նախագահի ազգային անվտանգության հարցերով խորհրդական Ռոբերտ Օբրայենը հայտարարել է, որ  ԵԱՀԿ Մինսկի խմբի համանախագահության շրջանակներում Լեռնային Ղարաբաղի հակամարտության կարգավորման բանակցությունները ԱՄՆ-ի և Ռուսաստանի միջև համագործակցության օրինակ է: Ռոբերտ Օբրայենն այս մասին ասել է Լաս Վեգասի Նևադա նահանգի համալսարանում  ունեցած ելույթում:

«ԱՄՆ-ի և Ռուսաստանի միջև հիմնարար տարբերություններ կան։ Բայց, նույնիսկ հաշվի առնելով դա, կան ոլորտներ, որտեղ մենք կարող ենք աշխատել Ռուսաստանի հետ համատեղ: Օրինակ` ԼՂ հակամարտությունը, այստեղ մենք նույն կողմում ենք՝ համանախագահելով ԵԱՀԿ Մինսկի խմբում և փորձելով խաղաղություն հաստատել կովկասյան տարածաշրջանում», - ընդգծել է նա: