Ադրբեջանը չի հրապարակում զոհերի ցուցակը, որովհետև վախենում է հասարակության բարոյալքումից

TolishMedia-ի հաղորդմամբ՝ Ադրբեջանը չի հրապարակում ղարաբաղյան հակամարտության սրման ընթացքում զոհված զինվորների անունները, քանի որ կորուստները մեծաթիվ են:

«Ակնհայտ է, որ ադրբեջանական զինուժի կորուստների վերաբերյալ տվյալներ չեն հրապարակվում ազգի ոգին չփչացնելու համար: Հարձակողական գործողության հետ կապված՝ Ադրբեջանը կարող է ավելի մեծ կորուստներ ունենալ, քան սպասվում էր, որի կապակցությամբ բանակի շրջանում կորուստների մասին տեղեկություններ չեն հաղորդվում»,- նշում է կայքը:

Փաստն այն է, որ լրագրողը կամ սովորական քաղաքացին չեն կարողանա ճշտել Ադրբեջանի տվյալները, և իշխանությունները խնամքով թաքցնում են այդ տեղեկատվությունը:

Խնդիրն ավելի է սրվում այն փաստով, որ ադրբեջանական զինված ուժերի զոհերի մեծամասնությունը ավտոխտոն ժողովուրդների ներկայացուցիչներ են՝ թալիշներ, լեզգիներ, թաթեր, ավարներ և այլն: