Ռոհանին դատապարտել է ահաբեկիչների ուղարկումը Ղարաբաղյան հակամարտության գոտի

Իրանի նախագահ Հասան Ռոհանին զգուշացրել է, որ Իրանը չի հանդուրժի իր սահմանին ահաբեկիչների ներկայությունը, որոնց դեմ Իրանը պայքարել է տարիներով. հայտնում է The Tribune-ը:

«Ռոհանին չի մանրամասնել, բայց Հայաստանը մեղադրում է Անկարային Թուրքիայի աջակցությունը վայելող ահաբեկիչներին ինքնահռչակ Լեռնային Ղարաբաղի դեմ ուղարկելու մեջ»,- գրում է լրատվամիջոցը:

«Իրանը ոչ մեկին թույլ չի տա որևէ պատճառաբանությամբ ահաբեկիչներ  բերել իր սահմանին մոտ, որոնց դեմ Իրանը տարիներով է կռվել: Դա անընդունելի է, և մենք դա ասել ենք հարևան երկների պաշտոնյաներին»,- Ռոհանիի խոսքերն է մեջբերում նախագահական կայքը:

Իրանի նախագահը նաև զգուշացրել է, որ հակամարտությունը կարող է վերածվել տարածաշրջանային պատերազմի: