ՏԵՍԱՆՅՈՒԹ․ Ինչ պատրաստություն են անցնում ՀՅԴ կամավորները․ հրամանատարի մեկնաբանությունները

Սեպտեմբերի 27-ին սկսված պատերազմից հետո արդեն 3-րդ կամավորական վաշտն է պատրաստում ՀՅԴ-ն՝ Yerkir.am-ի հետ հարցազրույցում ասաց ՀՅԴ կամավորական 3-րդ վաշտի հրամանատար Ներսես Տեր-Պետրոսյանը։

Նա նշեց, որ այս պահին մոտ 150 կամավորների հետ են աշխատանք տանում։

Նախորդ վաշտերն արդեն համալրել է մեր ազգային բանակի շարքերը, երրորդը նույնպես պատրաստ է մեկնելու։

«Այս պահին կենտրոնանում ենք մարտավարական, հոգեբանական և թիմային հմտությունների վրա։ Մենք նպատակ ենք դրել նրանց մեջ զարգացնելու ընկերային հարաբերություններ, մարտում փոխգործողությունների, միմյանց զգալու հմտություններ և հոգեբանորեն պատրաստում ենք գալիք մարտական գործողություններին»,-ասաց նա։

Վաշտը մարզելու համար 5 կամավորական դասակներ են կազմավորել, մարզումները անցկացնում են Բյուրականի սարերում, դաշտերում, որոնք մոտ են արցախյան բնակլիմայական պայմաններին։

Մանրամասն՝ տեսանյութում․