Մամուլի ազգային ակումբը դատապարտում է լրագրողներին նշանառելու և հրետակոծելու գործողությունները

Աշխարհը պատուհասած համաճարակի պայմաններում, երբ պետություններն ու հասարակություններն ամիսներ շարունակ պայքար են մղում Covid-19-ի դեմ, երբ համաշխարհային տնտեսությունը սոսկալի վնասներ է կրում՝ սոցիալական  ծանր բեռ դնելով մարդկության մեծ մասի վրա, երբ մարդկությունը փորձում է միավորվել ընդդեմ հումանիտար այդ աղետի, ահա այս  բարդ իրավիճակում, այս տարվա  սեպտեմբերի 27-ին Ադրբեջանն ու Թուրքիան պատերազմ սանձազերծեցին Հայաստանի և  Լեռնային Ղարաբաղի դեմ:

Խախտելով միջազգային իրավունքի սկզբունքները՝ Ադրբեջանն ու Թուրքիան  պատերազմի այս վեց օրերի ընթացքում շարունակ նշանառում և սպանում են  Հայաստանի ու  Ղարաբաղի խաղաղ բնակչությանը:

Ադրբեջանաթուրքական զինուժը նշանառել է նաև իրենց մասնագիտական աշխատանքն իրականացնող լրագրողներին՝ հրատակոծելով, վիրավորելով և սպանելով նրանց:

Կոպտորեն խախտելով լրագրողների իրավունքների և մասնագիտական գործունության պաշտպանության միջազգային սկզբունքներն ու պահանջները,   պատերազմի այս մի քանի օրերի ընթացքում ադրբեջանաթուրքական զինուժի հրետակոծության հետևանքով ծանր վիրավորվել են Ղարաբաղի Մարտունի շրջանում իրենց մասնագիտական աշխատանքն իրականացնող ֆրանսիական Le Monde-ի երկու լրագրողները, իսկ նրանց ուղեկիցը՝ սպանվել:

Նշանառության են ենթարկվել  նաև՝

-France-Presse լրատվական գործակալության լրագրողները,

-հայկական «Արմենիա» հեռուստաընկերության «Ժամը» լրատվականի ծառայության նկարահանող խումբը, որի օպերատորը վիրավորվել է,

-հայաստանյան 24News․am առցանց հեռուստաընկերության լրագրողը,

-ռուսաստանյան Дождь հեռուստաընկերության փոխխմբագիրը,  

-«ՍիվիլՆեթի»  նկարահանող խումբը,  

-«Շանթ» հեռուստաընկերության և tert.am  լրատվական կայքի նկարահանող խմբերին նշանառել է անօդաչու թռչող սարքը:   

Մամուլի ազգային ակումբ խստորեն դատապարտում է 

-ադրբեջանաթուրքական զինուժի ագրեսիան Հայաստանի և Ղարաբաղի դեմ,

-խաղաղ բնակչության հրետակոծությունները,

-լրագրողներին նշանառելու և հրետակոծելու գործողությունները:     

Մամուլի ազգային ակումբը դիմում է՝

- միջազգային լրագրողական կազմակերպություններին՝ կոչ անելով խստորեն դատապարտել Ադրբեջանի և Թուրքիայի այսօրինակ գործողությունները, խնդիրը բարձրացնել  մարդու իրավունքների, խոսքի և մամուլի ազատության պաշտպանության բոլոր կառույցներում,

- մարդու իրավունքների միջազգային կազմակերպություններին՝  կոչ անելով  դատապարտել և խստագույն պատժամիջոցներ կիրառել Ադրբեջանի և Թուրքիայի դեմ, որոնք կոպտորեն խախտում եմ միջազգային իրավունքները:

Մամուլի ազգային ակումբն առաձնահատուկ ընդգծում է ռամաճակատում աշխատող հայ և օտարերկրացի իր բոլոր գործընկերների աշխատանքը, որոնք իրենց կյանքը վտանգելով, արկերի պայթյունների և հրետակոծությունների տակ միջազգային հանրությանն են ներկայացում Ադրբեջանի և Թուրքիայի մեղքով աշխարհի այժմ ամենաթեժ կետի վերածված Հայաստանի և Ղարաբաղի մասին:

Մամուլի ազգային ակումբը լիահույս է՝

-աշխարհին կպատմի Ադրբեջանի և Թուրքիայի կողմից Հայաստանի և Ղարաբաղի  նկատմամբ իրականացվող ագրեսիայի, մարդու իրավունքերի կոպիտ խախտումների մասին:

-միահամուռ հանդես կգա ի պաշտպանություն թեժ կետերում աշխատող հայ և օտարերկրացի լրագրողների կյանքի և մասնագիտական անարգել գործունեության իրավունքների:

Մամուլի ազգային ակումբ

02.10.2020թ.