ՏԵՍԱՆՅՈՒԹ․ Դավիթ Խաժակյանի համար զարմանալի է, որ փոխքաղաքապետի թեկնածուն Երևանի ավագանու անդամներից չէ

Զարմանալի է, որ Երևանի ավագանու՝ «Իմ քայլը» խմբակցությունից մարդ չընտրեցին՝ որպես փոխքաղաքապետի թեկնածու. ըստ Yerkir.am-ի՝ ասաց Երևանի ավագանու «Լույս» խմբակցության ղեկավար Դավիթ Խաժակյանը մամուլի ասուլիսում։

Նա նշեց, որ շրջանառվում է ԱԺ «Իմ քայլը» խմբակցության պատգամավոր Երջանիկ Հակոբյանի օգնականի անունը։

«Չգիտեմ՝ ինչ մասնագիտական ունակություններ ունի, բայց քաղաքային ոլորտը բավականին բարդ է, և զարմանալի է, որ իրենց խմբակցության ներսից մարդ չհատկացրին, որովհետև իրենց խմբակցությունում կային մարդիկ, որոնք ավագանու ակտիվ անդամներ էին, հարցազրույցներ էին տալիս»,- ասաց նա։

Խաժակյանի համար անհասկանալի է՝ ինչու այդ մարդկանց տարան շատ ավելի ցածր պաշտոնների, բայց հանեցին ավագանուց։

«Ես կպատկերացնեի, որ հաջորդ փոխքաղաքապետը պետք է լիներ ավագանու անդամ, որ ոլորտը գոնե երկու տարի է՝ վիզուալ պատկերացնում է»,- նշեց նա։

Մանրամասն՝ տեսանյութում: