Սարդուրիխինիլիում (Հայոց ձոր) հնագիտական պեղումների ժամանակ երեխայի կմախք են հայտնաբերել՝ ձեռքին վիշապաձև թևնոցով

Վանի շրջանում գտնվող պատմական Սարդուրիխինիլի քաղաքի հնագիտական պեղումների ժամանակ հայտնաբերվել է երեխայի կմախք։ Երեխայի ձեռքերին հայտնաբերվել է վիշապի գլխով թևնոց, ինչպես նաև տարբեր աքսեսուարներ պարանոցին։

Թուրքական ԶԼՄ-ները գրում են, որ գտածոները 2750-ամյա պատմություն ունեն։

Նշենք, որ ներկայումս Չավուշթեփե անունը կրող հնավայրը հայոց պատմագիտության մեջ հայտնի է Հայոց ձոր, Հայկաբերդ, Սարդուրիխինիլի անուններով։ Ըստ ավանդույթի՝ Հայկ նահապետը Հայոց ձորում է նետահարել Բելին՝ մ.թ.ա. 2492 թ. և այդտեղ կառուցել բերդ՝ իր անունով, իսկ այդ վայրն էլ համարվում է հայ ազգի կազմավորման տարածք։

Որոշ պատմիչների վկայությամբ էլ բերդը կառուցել է Սարդուրի Բ-ն։