Ոստիկանները Վարդենիսում զենք-զինամթերք են հայտնաբերել

Քրեական ոստիկանության գլխավոր և Գեղարքունիքի մարզային վարչությունների ծառայողները, Վարդենիսի բաժնի քրեական հետախույզների հետ, հարուցված քրեական գործի շրջանակներում, դատարանի որոշմամբ, օգոստոսի 17-ին խուզարկություն են կատարել Վարդենիս քաղաքի տներից մեկում և օժանդակ շինություններում:

Ինչպես տեղեկացնում են ՀՀ ոստիկանության հասարակայնության հետ կապերի և լրատվության վարչությունից, իրավապահները խուզարկությամբ հայտնաբերեցին հակատանկային ձեռքի նռնակ, նռնակի երկու պայթուցիչ, ռետինե մահակ և մոտ 250 տարբեր տրամաչափի փամփուշտ:

Տանտերը հայտնել է, որ զենք-զինամթերքը Արցախյան ազատամարտի տարիներին է բերել Քարվաճառից:

Հայտնաբերվածն առգրավվել է դատաձգաբանական փորձաքննություն նշանակելու համար:

Նախաքննությունը շարունակվում է: