ՏԵՍԱՆՅՈՒԹ․ Սոցիալական բնակֆոնդում ապրող միայնակ թոշակառուների կոմունալները կփոխհատուցվեն

Սոցիալական բնակարանային ֆոնդի կացարաններում այս պահին բնակվում է ավելի քան 250 անձ, որից 74-ը միայնակ՝ ըստ Yerkir.am-ի ասաց ՀՀ աշխատանքի և սոցիալական հարցերի նախարար Զարուհի Բաթոյանը՝ կառավարության նիստում ներկայացնելով նրանց փոխհատուցում տրամադրելու որոշումը։

Այս տարվանից արդեն պետությունը փոխհատուցում կտրամադրի սոցիալական բնակարանային ֆոնդի կացարաններում բնակվող միայնակ կոնսաթոշակառուների սպառած բնական գազի, էլեկտրաէներգիայի և ջրամատակարարման վարձավճարների համար։

Յուրաքանչյուր տարվա համար փոխհատուցման չափը կսահմանի ՀՀ կառավարությունը։

2020 թ-ին յուրաքանչյուր շահառուի տրամադրվող գումարի չափը կազմում է տարեկան 144 հազար դրամ, որն անկանխիկ եղանակով կփոխանցվի բանկ։

Կանխիկացնել կամ այլ նպատակով սպառելն արգելվում է՝ ասաց Բաթոյանը։

Եթե գումարը պակաս է լինում, քան սահմանվածը, փոխանցվում է պետբյուջե՝ հաջորդ տարի սպառելու համար։

Այս որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2020 թվականի հունվարի 1-ից հետո ծագած հարաբերությունների վրա։

Մանրամասն՝ տեսանյութում․