Թուրքիան բացառել է ԱՄՆ-ին Ս-400-ների վաճառքի հնարավորությունը

Թուրքիան չունի որևէ իրավական հիմք ռուսական Ս-400 ԶՀԿ-ները Միացյալ Նահանգներին0 վաճառելու համար. այս մասին լրագրողներին հայտարարել է Թուրքիայում իշխող «Արդարություն և զարգացում» կուսակցության խոսնակ Օմեր Չելիքը:

Ըստ նրա՝ Անկարան նախապես ծրագրել էր ձեռք բերել ամերիկյան Patriot համակարգեր, սակայն «պատասխանը չստանալով Վաշինգտոնից», որոշել էր Ռուսաստանից գնել հակաօդային հրթիռային համակարգեր:

«Եթե երկիրը գնել է F-16 կործանիչներ, ապա դրանք չեն վերավաճառվում այլ երկիր, որևէ իրավական հիմք չկա նաև նման համակարգի (Ս-400-ների) վերավաճառքի համար», - պարզաբանել է Չելիքը:

Հիշեցնեք, որ ԱՄՆ-ում մի խումբ սենատորներ հայտարարել էին Անկարայից գնած Ս-400 համակարգերը գնելու Վաշինգտոնի պատրաստակամության մասին: Նրանց կարծիքով, նման քայլը թույլ կտա ՆԱՏՕ-ի երկու անդամներին լուծել տարաձայնությունները: