Թուրքիան հիասթափված է ԵՄ-ի որոշումից

Թուրքիայի Արտաքին գործերի նախարարությունը արձագանքել է ԵՄ-ի այն որոշմանը, ըստ որի Թուրքիան դուրս է մնացել այն երկրների ցուցակից, որոնք իրավունք ունեն 2020 թ. հուլիսի 1-ից վերսկսել ուղևորափոխադրումները ԵՄ երկրների հետ։

«Մենք հիասթափված ենք այց ցուցակում Թուրքիային տեղ չտալու որոշման համար։ Կորոնավիրուսի դեմ պայքարում Թուրքիայի կիրառած քայլերը և աշխատանքները հաջող են։ Անհրաժեշտ է, որ այդ որոշումը կայացվի օբյեկտիվության սահմաններում այն երկրի նկատմամբ, ում ԱՀԿ-ն և միջազգային հանրությունը որպես օրինակ է ցույց տալիս։ Ակնկալում ենք, որ կարճ ժամանակներում այդ սխալը կուղղվի», - նշել է Թուրքիայի ԱԳՆ խոսնակ Համի Աքսոյը։