Թուրքիայի հակահայկական կուսակցության առաջնորդը ներկայացրել է Ղրիմը ռուսական ճանաչելու մասին ծրագիր

Թուրքական Vatan (Հայրենիք) կուսակցությունը առցանց ձևաչափով սեմինարի ընթացքում ներկայացրել է Սևծովյան-միջերկրածովյան բարեկամության և խաղաղության պլանը, որը ներառում է Ղրիմի՝ որպես Ռուսաստանի մաս ճանաչումը:

Ծրագրի այլ կետերից են՝ տարածաշրջանում ԱՄՆ-ի և ՆԱՏՕ-ի բազաների վերացումը, Աբխազիայի Հանրապետության և ինքնահռչակ Հյուսիսային Կիպրոսի թուրքական հանրապետության ճանաչումը, Ադրբեջանի «տարածքային ամբողջականության ապահովումը» (ընգծումը մերն է), Սիրիայում խաղաղության և դրա տարածքային ամբողջականության ապահովումը, Լիբիայում ԱՄՆ-ի միջամտության դադարեցումը:

Հանդիպմանը Ղրիմի Թաթարների խորհրդի կրթության, գիտության և երիտասարդության քաղաքականության հանձնաժողովի նախագահ Լեմարա Սելենդիլին նշել է Ռուսաստանի հետ վերամիավորումից հետո Ղրիմի թաթարների վիճակը բարելավվել է:

Նշենք, որ վերոնշյալ կուսակցությունը ղեկավարում է տխրահռչակ Դողու Փերինչեքը։ Բավականին բուռն քաղաքական անցյալ ունեցող Դողու Փերինչեքը եղել է հայտնի ձախակողմյան գործիչ է և մի քանի անգամ Թուրքիայում ձերբակալվել է իր հայացքների համար: 2007 թ. շվեյցարական դատարանը Փերինչեքին Հայոց ցեղասպանությունը ժխտելու համար դատապարտել էր 90-օրյա կալանքի և դրամական տույժի: