2 շաբաթ. այսքան ժամանակ է տվել ԱՄՆ-ն Չինաստանին Հոնկոնգի հանդեպ քաղաքականությունը վերանայելու համար

ԱՄՆ-ը 2 շաբաթվա ընթացքում Չինաստանի իշխանություններից ակնկալում է «ագրեսիվ վարքի մեղմացում», մասնավորապես Հոնկոնգի հանդեպ. Պետդեպին հղումով գրում է ՏԱՍՍ-ը, նշելով՝ այս մասին հայտարարել է պետքարտուղարի տեղակալ Դևիդ Ստիլվելը։

Հստակեցվում է՝ պետքարտուղարի տեղակալը նման հայտարարություն է արել Հավայիում՝ ԱՄՆ արտաքին քաղաքական հարցերով գերատեսչության ղեկավար Մայք Պոմպեոյի և Չինաստանի Կոմկուսի Կենտկոմի քաղբյուրոյի անդամ, միջազգային հարցերով զբաղվող Յան Ցզեչիի հետ հանդիպման արդյունքներով։

Ըստ Ստիլվելի՝ Չինաստանի վերջին գործողությունները կառուցողական չէին, եթե նայենք Հնդկաստանին, Հարավչինական ծովին և Հոնկոնգին առնչվող հարցերին։

Դիվանագետը մանրամասնել է, որ ԱՄՆ-ն ակնկալում է ներքին անվտանգության և ազգային անվտագության մասին օրենքների վերանայում։

Ստիլվելը բանակցություններում չինական պատվիրակության վարքը բնութագրել է որպես «պայմանավորվածության չտրամադրված»։