Էրդողանը հայտարարել է, որ շարունակելու է Լիբիայի ԱՀԿ-ին ցուցաբերվող աջակցությունը՝ մինչև «չհաստատվի խաղաղություն»

Թուրքիայի նախագահ Ռեջեփ Թայիփ Էրդողանը ևս մեկ անգամ իր աջակցությունն է հայտնել Լիբիայի ազգային համաձայնության կառավարությանը՝ Լիբիայի ազգային բանակի  դեմ պայքարում. այս մասին հայտնում է «Անադոլու» գործակալությունը:

«Մենք կանգնած կլինենք մեր լիբիացի եղբայրների կողքին, ոչ թե հեղաշրջում իրականացնողների», - ասել է Էրդողանը մամուլի ասուլիսի ժամանակ:

Պետության ղեկավարն ընդգծել է, որ ԼԱՀԿ-ին աջակցությունը կշարունակվի այնքան ժամանակ, մինչև Լիբիայում խաղաղություն հաստատվի:

Հիշեցնենք, որ Թուրքիան ակտիվորեն աջակցում է ԼԱՀԿ-ին, որի օժանդակ խմբում կան արմատական տարրեր՝ ԼԱԲ-ի դեմ պայքարելու համար, որը բաղկացած է հիմնականում երկրի նախկին սպանված առաջնորդ Մուամար Քադաֆիին հավատարիմ շրջանակներից: