Ցուկերբերգը մեկնաբանել է սոցցանցերը փակելու Թրամփի սպառնալիքը

Facebook ընկերության ղեկավար Մարկ Ցուկերբերգը դեմ է հանդես եկել սոցցանցերի գործունեության նկատմամբ ԱՄՆ իշխանությունների վերահսկողության խստացմանը. այս մասին նա ասել է FoxNews-ի հետ հարցազրույցում։

Ըստ Ցուկերբերգի՝ նման միջոցառումները կհանգեցնեն գրաքննության։

«Ընդհանուր առմամբ որևէ հարթակ գրաքննության ենթարկելու իշխանությունների որոշումն ինձ չի թվում ճիշտ արձագանք»,-ասել է Ցուկերբերգն ու հավելել՝ սոցցանցերի ղեկավարությունները քննադատության են ենթարկվում ինչպես որոշ նյութերի արգելափակման, այնպես էլ դա չանելու համար։

Հիշեցնենք՝ երեկ հայտնի էր դարձել, որ ԱՄՆ նախագահ Դոնալդ Թրամփը մտադիր է իրականացնել սոցցանցերի պետկարգավորում։ Նա իր թվիթերյան էջում գրել էր, որ կփակի դրանք, եթե հետագայում էլ պահպանողականների ձայնը խլացվի։

Թրամփը նման գրառում էր կատարել այն պատճառով, որ օրեր առաջ Twitter-ը նրա մի քանի գրառումներին կցել էր անճշտության կամ ֆեյքի նշան։