Վրացի պաշտոնյան Արսեն Թորոսյանին հրավիրել է Վրաստան՝ կորոնավիրուսի վերահսկման փորձը կիսելու

Հայաստանի Առողջապահության նախարարի հայտարարությունը, որտեղ կասկածի տակ է առնվում կորոնավիրուսի վերաբերյալ վրացական վիճակագրությունը,  սխալ է և համեմատելով երկու երկներում տիրող կորոնավիրուսային իրավիճակը՝ նման հայտարարությունը ժպիտ է առաջացնում։ Այս մասին հայտարարել է Թբիլիսիի ինֆեկցիոն հիվանդանոցի տնօրեն, COVID-19-ի կլինիկական վերահսկման խմբի ղեկավար Թենգիզ Ցերցվաձեն. հայտնում է newsgeorgia.ge կայքը։

«Չեմ կարծում, որ մենք պետք է Թորոսյանին սովորեցնենք, որ նման բարձրաստիճան պաշտոնկան չպետք է նման հայտարարություններ անի, առավել ևս առանց փաստերի», - նշել է վրացի պաշտոնյան՝ հավելելով, որ Վրաստանը պատրաստ է վարակի ղեկավարման իր փորձով կիսվել և հրավիրել է Արսեն Թորոսյանին և այլ շահագրգիռ կողմերի Վրաստան։

Ցերցվաձեն նաև կասկածի տակ է դրել, որ Հայաստանն ունի լավագույն լաբորատոր, մեթոդաբանական և թեստավորման համակարգը։

Հիշեցնենք, որ Վրաստանում գրանցվել է վարակման 732 դեպք՝ 12 մահվան ելքով, իսկ Հայաստանում 7402 դեպք՝ 91 մահվան ելքով։