Գավառի բնակչի մոտ կորոնավիրուս չի հայտնաբերվել. մարզպետ

Գեղարքունիքի մարզպետ Գնել Սանոսյանը ֆեյսբուքյան իր էջում գրառում է կատարել՝ անդրադառնալով շրջանառվող լուրերին, թե Գեղարքունիքի մարզում կորոնավիրուսով վարակման դեպք է ի հայտ եկել. հայտնում է Yerkir.am-ը:

Նա նշել է.

«Գեղարքունիքի մարզի հարգելի՛ բնակիչներ. ուրախ եմ տեղեկացնել, որ Գավառի մեր բնակիչը անցավ կորոնավիրուսի հետազոտման թեստը և արձանագրվեց բացասական արդյունք։

Այս պահին մարզում կորոնավիրուսով վարակված կամ մեկուսացված դեպքեր չունենք։  Հետևեք միայն պաշտոնական լրահոսին, պահպանեք արտակարգ դրության կանոնները և եղեք առողջ»։

Հիշեցնենք՝ ըստ Առողջապահության նախարարության տվյալների՝ մարտի 17-ին, ժամը 12:00-ի դրությամբ իրականացված կորոնավիրուսային հիվանդության թեստավորման արդյունքում հաստատվել է ևս 12 դեպք, որոնցից 6-ը փոխկապակցված է Էջմիածնի դեպքի հետ, իսկ մյուս 6-ը` արտադրամասի: Վերջիններս ի սկզբանե եղել են մեկուսացված:

Ընդհանուր առմամբ այս պահին ՀՀ-ում կորոնավիրուսի 64 հաստատված դեպք կա :