«Ամոթի միջանցք» վարչապետի համար. բելգիացի բժիշկների նախաձեռնությունը

Բելգիայի առաջատար հիվանդանոցներից մեկում՝ Սեն Պիերում բժիշկներին ու բուժքույրերը մեջքով են շրջվել և «ամոթի միջանցք» կազմակերպել հիվանդանոց այցելած վարչապետ Սոֆի Վիլմեսի համար։ 

Տեսանյութից պարզ է դառնում, որ վարչապետի ավտոշարասյան մոտենալուն պես՝ ճանապարհի երկայնքով շարված բուժաշխատողները շրջվել են։ Նրանք այդ ձևով ցույց են տվել իրենց դժգոհությունն առ այն, թե ինչպես են բելգիական իշխանությունները պանդեմիայի պայմաններում վերաբերվում առողջապահական համակարգին։

Ակցիային մասնակցել է ավելի քան 120 բուժաշխատող, ովքեր պահանջում են աշխատավարձի բարձրացում՝ ծանրաբեռնված աշխատանքի դիմաց։

Առավել մանրամասն՝ տեսանյութում.