Բելգիացի ազնվականն արժանացել է Աբելի մրցանակին

Աբելի` 2013 թվականի մրցանակը, որը շնորհվում  մաթեմատիկայի բնագավառում եւ հավասարեցվում է Նոբելյան մրցանակին, ստացել է բելգիացի գիտնական Պիեռ Դելինը: Մրցանակը նրան է շնորհվել «հանրահաշվական երկրաչափության մեջ հեղափոխական ներդրում ունենալու համար»:

Հանդիսավոր արարողությունը տեղի է ունենալու մայիսի 21-ին Օսլոյում: Դրան, ըստ ավանդույթի, կմասնակցի Նորվեգիայի թագավորը:

Դելինը Պրիստոնի հիմնարար հետազոտությունների ինստիտուտի աշխատակից է: Նա հայտնի է Վեյլի երրորդ վարկածի ապացուցմամբ, որի համար 1978-ին արժանացել է Ֆիլդսի մրցանակին: 2006-ին Բելգիայի թագավորը նրան շնորհել է ազնվականի` վիկոնտի տիտղոս:

Աբելի մրցանակը հիմնվել է Նորվեգիայի խորհրդարանի կողմից 2002 թվականին` հայտնի նորվեգացի մաթեմատիկոս Նիլս Հենրիկ Աբելի պատվին: Մրցանակի չափը 1 մլն դոլար է: