ՄԱԿ-ի պարենի համաշխարհային ծրագիրը համավարակի հետևանքով մասշտաբային սով է կանխատեսել

ՄԱԿ-ի պարենի համաշխարհային ծրագրի վերլուծությունների համաձայն՝ կորոնավիրուսի համավարակն աշխարհի տարբեր հատվածներում մարդասիրական աղետի և սովի կհանգեցնի. այս մասին նշված է կազմակերպության թվիթերյան պաշտոնական էջում հրապարակված հայտարարությունում։

Ըստ վերջին հաշվարկների՝ մոլորակի քառորդ միլիարդ բնակիչ արդեն իսկ 2020 թվականին կարող է COVID-19-ի հետևանքների պատճառով սովի խնդրին բախվել։

«Ներկայումս ՄԱԿ-ի պարենի համաշխարհային ծրագիրը երեք ամսվա համար բավարար սննդի պահուստներ է կուտակում ամենախոցելի երկրներների համար»,- նշվում է հաղորդագրությունում։

Բացի այդ՝ գրառմանը կից ՄԱԿ-ը  նաև կուտակվող պաշարների մասշտաբները ցուցադրող տեսանյութ է հրապարակել, որտեղ հարյուրավոր շարքերով սնունդ է կուտակված։

Ավելի վաղ ծրագրի ղեկավար Դևիդ Բիզին հայտարարել էր, որ կորոնավիրուսի համավարակը կարող է «բիբլիական մասշտաբների» սովի հանգեցնել։