ՏԵՍԱՆՅՈՒԹ․ Ճիշտ եմ արել, որ հայտարարություն չեմ տարածել․ Արման Թաթոյանը՝ Արթուր Հովհաննիսյանին

Իմ հայտարարությունը քաղաքական հենք ու նշանակություն կունենար, հետևաբար ես շատ ճիշտ եմ արել, որ հայտարարություն չեմ տարածել, կարծում եմ, որ կնոջ հետ կապված ուրիշ հարթություն է՝ ըստ Yerkir.am-ի ասաց ՀՀ մարդու իրավունքների պաշտպան Արման Թաթոյանը ԱԺ-ում պատասխանելով «Իմ քայլը» խմբակցության պատգամավոր Արթուր Հովհաննիսյանի հարցին՝ ինչպես է ստացվում, որ, օրինակ, ԱԺ ընդդիմադիր «Լուսավոր Հայաստան» խմբակցության կողմից Ազգային ժողովում հնչող սեռական բնույթի հայհոյանքը նրա կողմից որևէ արձագանքի չի արժանանում, իսկ հետո այդ հայհոյանքը տրանսֆորմացվում է փողոց և բռնության դեպք է արձանագրվում, սակայն Թաթոյանի կողմից հայտարարություն է տարածվում միևնույն պատմության մեկ այլ դրվագի վերաբերյալ և բնորոշվում է որպես կնոջ սեռի հիմքով պայմանավորված վիրավորանք:

Արման Թաթոյանը պատասխանեց՝ սա ոչ պատահականություն է, ոչ՝ օրինաչափություն, ոչ էլ՝ թերացում․ «Դա աշխատանք է օբյեկտիվ, խոսքը վերաբերում է կնոջը, այն էլ ընդդիմադիր ներկայացուցչին: Ինչ վերաբերում է դրանից առաջ երկու պատգամավորների՝ վիրավորական արտահայտություններ հնչեցնելուն, ապա իմ հայտարարությունը քաղաքական հենք ու նշանակություն կունենար»։

Ավելի ուշ տեղի ունեցած մեջադեպի մասին Արման Թաթոյանը նշեց, որՄԻՊ-ը անհապաղ քննարկում է կազմակերպել՝ ոստիկանության բաժին, ԲԿ-ներ գրություններ են հասցեագրված, որով պայմանավորված կտրվեն համապատասխան գնահատականներ, որը կվերաբերվի նաև այդ միջադեպին:

Արթուր Հովհաննիսյանը հակադարձեց՝ հիշեցնելով մեկ այլ դրվագ, որին ՄԻՊ-ը չի արձագանքել․ խոսքը նույն խմբակցության ղեկավարի արտահայտության մասին էր՝ ուղղված ավիացիայի ծառայության ղեկավարին, որում, ըստ նրա, սեռի հիմքով պայմանավորված՝ վիրավորական արտահայտություն էր հնչել:

Թաթոյանն ասաց, որ ԱԺ միջադեպը իր համար տհաճ էր, բայց պաշտպանը քաղաքական նշանակության միջադեպի, կոնկրետ մարդկանց վերաբերյալ գնահատական տալ չի կարող:

«Ինչ վերաբերում է Տաթևիկ Ռևազյանի հետ կապված միջադեպին, ապա մարդու իրավունքների պաշտպանի պաշտոնը նրա համար է, որ ոչ թե պաշտպանի պաշտոնատար անձին, այլ քաղաքացուն, ինչ-որ դեպքերում՝ ընդդիմությանը»,-ասաց նա և հիշեցրեց միջազգային կանոնը, որը ամրագրված է սահմանադրական օրենքում, որն արգելում է պետական կառավարման մարմիններին՝ դիմել պաշտպանին:

Մանրամասն՝ տեսանյութում․