Առաջարկում է նախագահական ընտրություններն անցկացնել օգոստոսի 9-ին. Բելառուսի ԿԸՀ

Բելառուսում սպասվող նախագահական ընտրությունների ժամկետները հստակեցվում են. այս մասին գրում է «Բելտա» գործակալությունը՝ նշելով, որ Կենտրոնական ընտրական հանձնաժողովի նախագահ Լիդիա Երմոշկինան մայիսի 8-ին խորհրդարանում ասել է, որ ընտրություններն առաջարկվում է անցկացնել օգոստոսի 9-ին. հայտնում է Yerkir.am-ը։

Նա, մասնավորապես, նշել է. «Ընդհանուր առմամբ, կա միասնական կարծիք օգոստոսի 9-ին անցկացնելու վերաբերյալ»։

Հիշեցնենք՝ օրերս Բելառուսի նախագահ Ալեքսանդր Լուկաշենկոն Մոլդովայի նախագահ Իգոր Դոդոնի հետ զրույցում նշել էր, որ նախագահական ընտրությունները հետաձգելու հիմքեր չի տեսնում: Նա նշել էր, որ ընտրությունները կանցկացվեն ամռանը: