Ադրբեջանցին փորձել է 115 կգ թմրանյութ և զինամթերք մտցնել Ադրբեջան

Ադրբեջանի սահմանապահ ծառայության աշխատակիցներին հաջողվել է  կանխել շուրջ 115 կգ թմրանյութերի և զինամթերքի ներկրումը երկիր. հայտնում է «Թուրան» գործակալությունը։

Դեպքը տեղի է ունեցել մայիսի 4-ի երեկոյան սահմանային Բեյլագանի շրջանի Ահմեդլի գյուղի մոտակայքում։ Մեքենայից դուրս եկած մի անձ մոտեցել և վերցրել է ծառի տակ թաքցված մի քանի կապոց և ուղղվել դեպի մեքենան, որից հետո սահմանապահները հրահանգել են՝ կանգնել։ ՌԴ քաղաքացի Մեհդիև Շուքյուր Ասքերօղլուն փորձել է փախուստի դիմել, սակայն սահմանապահներին հաջողվել է բռնել նրան։

Խուզարկության արդյունքում հայտնաբերվել է 115 կգ հերոին, մարիխուանա, մեթամֆեթամին և ափիոն տեսակի թմրանյութեր, ինչպես նաև մի շարք զենքի տեսակներ։