Թբիլիսին, Ռուսթավին, Բաթումին և Քութայիսին փակ են մուտքի և ելքի համար

Վրաստանի կառավարության որոշմամբ ՝ ապրիլի 15-ին, ժամը 21: 00-ից, երկրի չորս խոշոր քաղաքները, ներառյալ մայրաքաղաք Թբիլիսին, Ռուսթավին, Բաթումին և Քութաիսին, փակվում են մուտքի և ելքի համար. գրում է apsny.ge-ն՝ Վրաստանի վարչապետ Գեորգի Գախարիայի խոսքերին հղումով. հայտնում է Yerkir.am-ը։

Գախարիայի խոսքով՝  սահմանափակումներն ուժի մեջ կլինեն10 օր: Ըստ նրա՝ նման կերպ կառավարությունը նպատակ ունի երկրում ներքին շարժունակությունը նվազագույնի հասցնել։ 

Կառավարության ղեկավարը բացատրել է նաև, որ  սահմանափակող միջոցառումների խստացումը պայմանավորված է երկրում վարակակիրների թվի աճով: Մասնավորապես, Վրաստանում այսօր առաջին անգամ մեկ օրվա ընթացքում հայտնաբերվել է 30 վարակ:

«Այսօր անցկացվել է 500 մարդու հետազոտություն: Կարելի է ասել, որ հասել ենք երկրում լայնածավալ ներքին բաշխման փուլին: Ոչ ոք չի կարող մեզ հստակ ասել, թե երբ ենք մենք հասնելու ճգնաժամի գագաթնակետին », - ասել է նա։