Սյունիքում կորոնավիրուսով վարակված հիվանդներից ևս 8 հոգի առողջացել են․ փոխմարզպետ

Սյունիքի փոխմարզպետ Նարեկ Բաբայանը ֆեյսբուքյան գրառմամբ տեղեկացրել է, որ կորոնավիրուսով վարակված հիվանդներից ևս 8 հոգի առողջացել են և դուրս գրվել հիվանդանոցից։

«Սիրելի սյունեցիներ ուրախությամբ տեղեկացնում եմ, որ կորոնավիրուսով վարակված մեր հիվանդներից ևս 8 հոգի առողջացել են և դուրս գրվել հիվանդանոցից: Անկառավարելի իրավիճակ և նոր գրանցված դեպքեր չունենք, ինչը արդյունք է բոլորիս մեծ պատասխանատվության և իրավիճակի ըմբռնման: Խնդրում և հորդորում եմ շարունակել հետևել պարետատան և Առողջապահության նախարարության ցուցումներին, որպեսզի հնարավորինս շուտ հաղթահարենք ստեղծված իրավիճակը»,- գրել է փոխմարզպետը: