Պուտինը կորոնավիրուսի թեստ չի հանձնել, իսկ նրա ամբողջ շրջապատը՝ այո

Նախագահը կորոնավիրուսի թեստ անցնելու որևէ անհրաժեշտություն չունի. ասել է ՌԴ նախագահի մամուլի խոսնակ Դմիտրի Պեսկովը՝ պատասխանելով հարցին՝ Վլադիմիր Պուտինը կորոնավիրուսի թեստ հանձնե՞լ է:

Նա հավելել է, որ նախագահի ամբողջ շրջապատը, սակայն, թեստ հանձնել է, որպեսզի պետության ղեկավարը վստահորեն շարունակի աշխատանքը. տեղեկացնում է yerkir.am-ը՝ ՌԻԱ «Նովոստի»-ին հղումով:

«Մենք դա համարում ենք նախազգուշական արդարացված միջոց»,- ասել է Պեսկովը:

Կրեմլի ներկայացուցիչը նաև նշել է, որ Մոսկվան համաձայնեցնում է G20-ի գագաթնաժողովին Պուտինի մասնակցության հարցը: Գագաթնաժողովը նվիրված է լինելու կորոնավիրուսի հետ կապված իրավիճակին և անցկացվելու է տեսակապի միջոցով: