Հնարավոր է՝ Ջեքի Չանը կորոնավիրուսակիր է

Կասկածներ կան, որ հայտնի մարզիկ և դերասան Ջեքի Չանը վարակվել է կորոնավիրուսով. հայտնում է Yerkir.am-ը՝ tempo.co-ին հղումով:

Նշվում է՝ դերասանը Հոնկոնգում երեկույթի է մասնակցել, որտեղ 60-ից ավելի մարդ է ներկա եղել: Որոշ ժամանակ անց պարզվել է՝ այդ մարդկանցից մի քանիսը կորոնավիրուսակիր են: Այս պահին նարնք գտնվում են կարանտինում: 

Դեռևս Ջեքի Չանն ու նրա ներկայացուցիչները չեն հաստատել կասկածները:

Նրա ներկայացուցիչներից մեկը միայն տեղեկացրել է, որ երեկույթի օրը դրա անցկացման վայրից քիչ հեռու նույնպես միջոցառում է կայացել ու չի բացառվում՝ խոսքը ոչ թե Ջեքի Չանի մասնակցած, այլ այդ մյուս միջոցառման մասին է:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին: