Ֆրանսիան միակողմանի չի զինաթափվի՝ առանց համապատասխան երաշխիքի. Մակրոն

Ֆրանսիայի միջուկային զինանոցում մոտ 300 մարտագլխիկ կա, սակայն երկիրը պատրաստ չէ միակողմանի զինաթափվել ՝առանց այլ երկրների կողմից համապատասխան երաշխիքի. ըստ yerkir.am-ի՝ այսօր հայտարարել է Ֆրանսիայի նախագահ Էմանուել Մակրոնը՝ ելույթ ունենալով Փարիզի ռազմական դպրոցում:

«Մեզ նման երկրի միակողմանի զինաթափումը «կմերկացնի» մեզ ու մեր գործընկերներին ուժային ճնշման ու շանտաժի սպառնալիքի առջև: Ես հրաժարվում եմ այդ հեռանկարից»,- ասել է նա՝ հավելելով, որ, անշուշտ, ֆրանսիական միջուկային զինանոցն անհամեմատելի է ռուսաստնյան և ամերիկյան զինանոցների մասշտաբի հետ:

Մակրոնը նշել է, որ խաղաղությանը ձգտելու պատճառով Ֆրանսիան հետևում է զինաթափման տրամաբանությանը և ցուցադրում եզակի ցուցանիշներ՝ ցուցադրելով իր միջուկային ուժերի ցամաքային բաղադրիչները, փորձարկումների կենտրոնները,  ձեռնարկությունները:

Նա նաև շեշտել է, որ անհրաժեշտ է Ռուսաստանի հետ երկխոսության մեջ մտել հավաքական անվտանգության ապահովման համար, իսկ այդ գործընթացը պետություններից պահանջում է համբերություն ու պահանջկոտություն և կարող է տարիներ ձգվել: