ՏԵՍԱՆՅՈՒԹ․ Սահմանին իրավիճակը կայուն է. Դավիթ Տոնոյան

Սահմանում իրավիճակը կայուն է՝ ըստ Yerkir.am-ի՝ Եռաբլուր զինվորական պանթեոնում, լրագրողների հետ զրույցում ասաց ՀՀ պաշտպանության նախարար Դավիթ Տոնոյանը։

«Ես կարող եմ ասել, որ կայուն է իրավիճակը»,-նշեց նա։

Ծանր կայուն՝ անդրադառնալով վիրավոր զինվորի վիճակին ասաց Տոնոյանը.  «Վիրահատությունից հետո գտնվում է վերահսկողության տակ, վիճակը ծանր կայուն է»։

Վերջին միջադեպերով ծառայողական քննությունները դեռ շարունակվում են, դրանք զուգորդվում են նախաքննության հետ։

Նման դեպքերում ի՞նչ պատիժ է նախատեսված  հրամանատարական կազմի համար՝ հարցին պատասխանեց․ «Ե՛վ ավագ, և՛ կրտսեր հրամանատարական կազմին ԶՈՒ գլխավոր շտաբի պետը և պաշտպանության նախարարը կարգապահական տույժի են ենթարկում, իսկ ինչ վերաբերում է իրենց մեղավորությանը այս կամ այն դեպքով՝ դա նախաքննության արդյունքում է պարզվում»։

Վարչապետի այսօրվա շարժի մասին տեղեկատվություն ՀՀ Պաշտպանության նախարարը տալ չի կարող, բայց վստահեցրեց՝ Հայոց բանակի 28-ամյակը նշելու են մեծ շուքով: