Versace-ն իր արտադրանքում այլևս կենգուրուի կաշի չի օգտագործի

Versace իտալական նորաձևության տունն այլևս չի օգտագործի կենգուրուի կաշի՝ հագուստի և կոշկեղենի արտադրության նպատակով՝ մեծածավալ անտառային հրդեհների պատճառով Ավստրալիայում միլիոնավոր կենդանիների անկման պատճառով. ըստ Yerkir.am-ի՝ գրում է The Telegraph-ը։

ԶԼՄ-ի տեղեկություններով՝ որոշումն ընդունվել էր դեռևս 2019-ին, բայց այդ մասին հայտնի է դառնում միայն հիմա։ Հավելվում է նաև, որ նման քայլն առավելապես կապված է իտալացի կենդանապաշտպանների կողմից ցուցաբերված ճնշման հետ։

Հիշեցնենք՝ Ավստրալիայում հրդեհները ոչնչացրել են ավելի քան 1 մլրդ կենդանի, 8․4 մլն հա անտառ, մոտ 2000 բնակելի շինություն։

Զոհվել է առնվազն 27 մարդ։