Աբխազիայի խորհրդարանն ընդունել է նախագահ Հաջիմբայի հրաժարականը

Աբխազիայի խորհրդարանն այսօր ընդունել է երկրի արդեն նախկին նախագահ Ռաուլ Հաջիմբայի հրաժարականը: Հաջիմբայի հետ միասին իր պաշտոնին հրաժեշտ կտա նաև փոխնախագահ Ասլան Բարցիցը. ըստ Yerkir.am-ի՝ հայտնում է «ՏԱՍՍ» գործակալությունը:

Հրաժարականին կողմ է քվեարկել 34 ներկա պագտամավորից 32-ը:

«Ըստ Աբխազիայի Հանրապետության Սահմանադրության, քանի որ Աբխազիայի նախագահ Ռաուլ Խաջիմբան հրաժարականի դիմում էր ներկայացրել, հանուն Աբխազիայի Հանրապետությունում խաղաղության և կայունության հաստատման, համազգային համաձայնության, հայտարարում եմ փոխնախագահի լիազորությունները դադարեցնելու մասին»,- նշվում է հանրապետության նախագահի պաշտոնական կայքում տարածված հաղորդագրության մեջ:

Խորհրդարանը երկրի վարչապետ Վալերի Բգանբային նշանակել է երկրի նախագահ, որին կողմ են քվեարկել բոլոր 34 պատգամավորները:

Հիշեցնենք, որ հունվարի 9-ին Աբխազիայում ցույցեր էին տեղի ունենում՝ նոր ընտրություններ անցկացնելու պահանջով: Ցուցարարները նույնիսկ ներխուժել էին նախագահական նստավայր: Ստեղծված իրավիճակում Հաջիմբան հրաժարական տվեց: