Արփինե Հովհաննիսյանը նշանածի հետ լուսանկար է հրապարակել

Facebook-յան էջում հրապարակված նոր լուսանկարում  Արփինե Հովհաննիսյանն իր ընտրյալի՝ Արշակ Մնացականյանի հետ է։ Զույգը ձեռք ձեռքի բռնած է, որտեղ էլ երեւում է նշանադրության մատանին։ 

Ավելի վաղ hraparak.am-ը տեղեկացրել էր, որ Արշակ Մնացականյանը «Աստղիկ» ԲԿ-ում պլաստիկ վիրաբույժ է և պլաստիկ վիրաբուժության գծով  փոխտնօրեն։ Արշակն ու Արփինեն առաջին կուրսում միմյանց հետ են սովորել ԵՊՀ իրավաբանության ֆակուլտետում , կուրսում մոտ 200 ուսանող է եղել, Արփինեն ու Արշակը տարբեր հոսքերում են եղել, առաջին տարում միմյանց չեն ճանաչել։ Իրավաբանականում 1 տարի սովորելուց հետո այդ ֆակուլտետ անվճար ընդունված և տարին գերազանց ավարտած Արշակը թողնում է ֆակուլտետը և ընդունվում է բժշկական համալսարան։ Այժմ նա Աստղիկ ԲԿ-ում տարին քթի մոտ 500 վիրահատություն է անում և համարվում է պլաստիկ վիրաբուժության առաջատար մասնագետ։ 

Արփինե Հովհաննիսյանն ու Արշակ Մնացականյանը ծանոթացել են միմյանց հետ այս տարվա սեպտեմբերի 28-ին՝ կուրսի 15-ամյակի առթիվ կազմակերպված երեկույթի ավարտին։  

Հիշեցնենք, որ ավելի վաղ հրապարակած կադրում Արփինե Հովհաննիսյանը ցուցադրել էր նշանադրության մատանին եւ դրան կից հայտարարել նշանադրության մասին։