Վանում երկարացվել է հավաքների արգելքը. արդեն 4-րդ տարին է

Վանում 15 օրով երկարացվել է հավաքների, ցույցերի, միջոցառումների անցկացման արգելքը: Քաղաքում այս արգելքը մտցվել է 2016 թ. նոյեմբերի 21-ից:

Այն սկսվել է 2016 թ. հուլիսի 15-ի անհաջող ռազմական հեղաշրջմանը հաջորդած գործողությունների շրջանակում: Ըստ նահանգապետարանի՝ արգելքի երկարացման պատճառը «ազգային անվտանգության ապահովումը», «հասարակական կարգն ու անվտանգության պահպանումն» է: Այս մասին Yerkir.am-ը տեղեկանում է gazetekarinca.com կայքից:

«25.12.2019 թ. մինչև 08.01.2020 թ. (15 օր) Վան նագանգի աշխարհագրական սահմաններում գտնվող բացօթյա հրապարակներում անցկացվող հանրահավաքները, ցույցերը, մամուլի ասուլիսները, նստացույցները, վրաններ խփելը, ստորագրահավաքները, բրոշյուրներ, թռուցիկներ բաժանելը արգելված են», - նշված է հայտարարության մեջ: