Ընտանեկան բռնության մասին օրինագծի վերաբերյալ որոշումը պետք է կայացնել հասարակական քննարկումներից հետո. Պուտին

Փաստաթղթի մասին որոշումը պետք է կայացնել հասարակական քննարկումներից հետո. ըստ yerkir.am-ի՝ տարեվերջյան ամփոփիչ ասուլիսում ասել է ՌԴ նախագահ Վլադիմիր Պուտինը՝ անդրադառնալով ընտանեկան բռնության մասին օրինագծին:

Նախագահն օրինագիծը չի կարդացել, սակայն հանդես է գալիս ցանկացած բռնության դեմ, այդ թվում՝ ընտանիքներում ու հատկապես՝ կանանք և երեխաների հանդեպ:

«Շատ ցածր մակարդակի մասին է խոսում այն, որ ավելի ուժեղն իր իրավունքներն է հաստատում բռունցքների միջոցով»,- ասել է Պուտինը՝ հավելելով, որ որոշ իրավախախտումների դեմ կարելի է գործող նորմերը կիրառել:

Նա անդրադարձել է նաև հասարակական հարցումներին, ըստ որոնց՝ ռուսաստանցիների 70 տոկոսը կողմ է օրինագծին:

«Ես իրականում չեմ հասկանում՝ նրանք կողմ են հենց այդ օրենքի՞ն, թե՞ ընդհանրապես՝ բռնությանը: Ես էլ եմ դեմ բռնությանը: Հարկավո՞ր է այդ օրենքը: Եկեք հանգիստ քննարկենք հասարակության հետ»,- նշել է ՌԴ նախագահը՝ պատասխանելով լրագրողի հարցին, որը դեմ է այդ օրինագծին:

Հիշեցնենք, որ Ռուս ուղղափառ եկեղեցին նույնպես դեմ է օրինագծին: