Վերջին օրերին կրկին ակտիվացել է հակապատվաստումային քարոզը. առողջապահության նախարարություն

ՀՀ առողջապահության նախարարությունը ներկայացրել է պարզաբանում:

«Վերջին օրերին կրկին ակտիվացել է հակապատվաստումային քարոզը: Որոշ անձինք, որոնք նախկինում հայտարարում էին, թե իրենք դեմ չեն պատվաստումներին, այլ ուղղակի բարձրաձայնում են ոլորտում առկա խնդիրները, այժմ ակնհայտորեն նշում են, որ դեմ են բոլոր պատվաստումներին:

Տեղական հեռուստաընկերություններից մեկով եթեր հեռարձակվող մի հաղորդման շրջանակում, քննարկելով պատվաստումների թեման, հնչեցվել են այնպիսի մեկնաբանություններ, որոնք որևէ աղերս չունեն իրականության և ապացուցողական տվյալների հետ, և ապակողմնորոշում են բնակչությանը՝ հանրությանը ներկայացնելով խեղաթյուրված տեղեկատվություն և փորձելով խոսքը համոզիչ դարձնել, այն համեմելով միմյանց հետ կապ չունեցող մի քանի բժշկական տերմիններով: