Էմերին ավելի շատ ուշադրություն էր դարձնում մարտավարությանը, իսկ ես ազատ գործել եմ սիրում. Մխիթարյան

Հայաստանի ֆուտբոլի ազգային հավաքականի ավագ և «Ռոմա»-ի կիսապաշտպան Հենրիխ Մխիթարյանն անդրադարձել է «Արսենալ»-ի մարզիչ Ունաի Էմերիի հետ իր աշխատանքին. ըստ Yerkir.am-ի՝ հայտնում է FourFourTwo-ն:

«Էմերին ավելի շատ ուշադրություն էր դարձնում մարտավարությանը, այդ պատճառով իմ դերը փոխվեց ակումբում: Ես խաղը սկսում էի Վենգերի դերում, որը պետք է խաղ կառուցեր կիսապաշտպանների հետ: Սա էր պատճառը, որ ես գոլեր չէի խփում և չէի կատարում գոլային փոխանցումներ: Ինձ դուր է գալիս, երբ ազատ եմ գործում և ազատ տեղաշարժվելու հնարավորություն եմ ստանում»,- ասել է Մխիթարյանը:

Հիշեցնենք, որ Հենրիխ Մխիթարյանն այժմ հանդես է գալիս իտալական «Ռոմա»-ի կազմում, ուր տեղափոխվել է մեկ տարվա վարձավճարով: