ՌԴ ԱԳՆ-ն պարզաբանել է, թե զենքի տենդերի խափանման պատճառով ինչ նամակ է ուղղվել Հայաստանին

Հայաստանին բողոքի նոտա ուղարկելու մասին տեղեկությունն իրականությանը չի համապատասխանում: Հայաստանին  ուղղված նամակը պատրաստել է ՌԴ արդյունաբերության և առևտրի նախարարությունը՝ խնդրելով պարզաբանել, թե ինչու է  չեղարկվել մրցույթը, որին մասնակցել է ռուսաստանյան Orsis ընկերությունը. տեղեկացնում է РБК-ն՝ ՌԴ ԱԳՆ-ում աղբյուրին հղումով:

Ըստ աղբյուրի՝ նամակն արդեն ԱԳՆ-ում է, այն դիվանագիտական ուղիներով կփոխանցվի հայկական կողմին:

Այս պահի դրությամբ Հայաստանի ՊՆ-ն ռուսական կողմից որևէ նամակ չի ստացել. հայտնում է ՏԱՍՍ-ը: Ավելին՝ Երևանում դեռևս պատրաստ չեն գնահատել իրավիճակը և հարցի շուրջ պաշտոնական դիրքորոշում հայտնել: Նամակ չի ստացել նաև ՀՀ ԱԳՆ-ն. տեղեկացնում է Газета.ру-ն:

Ավելի վաղ հայտնել էինք, որ, ՌԻԱ «Նովոստի» գործակալության տեղեկություններով, Ռուսաստանը Հայաստանին բողոքի նոտա կներկայացնի զենքի տենդերի խափանման պատճառով, որին մասնակցում էր ռուսաստանյան ORSIS ընկերությունը:

Հայտարարությունը Yerkir.am-ի հետ զրույցում մեկնաբանել էր ՀՀ ՊՆ մամուլի խոսնակ Արծրուն Հովհաննիսյանը: